Fear infection - V18 (Team Braza)

Fear Infection er ei spennande, rå og sterk danseframsyning med mobbing og ekskludering som tema. Ho inspirerer til ettertanke og opnar for samtaler om ting som kan vere vanskeleg å snakke om.

Gjennom eit urbant fysisk språk, tekst og spesialkomponert musikk set dei dyktige dansarane i Fear Infection fokus på tema som press, å ikkje føle seg god nok, aksept, respekt og identitet. Etter framsyninga vert det samtale med elevane.

Målet er å skape ein bevisstheit rundt temaet og å inspirere til ettertanke, endring av holdningar og ny innsikt. Kan ein del av hendelsane koma av vår eigen usikkerheit, og påfølgande dårlege val? Vår eigen redsle for å vise andre sider av oss sjølv, redsel for å ikkje passe inn, redsel for å ikke bli akseptert? Klarer ein å stå for det ein ynskjer å vere, og ikkje bere ei "maske" for å bli akseptert?

I framsyninga møter publikum 5 dansarar som kvar og ein har opplevd ekskludering eller å vere den som ekskluderer på ulike stadier i livet. Dei har kjempa seg gjennom, bygd nytt mot og styrke, og har lært å tru på seg sjølv for å vidareutviklast.
Framsyninga inspirerer til ettertanke og opnar for samtale om emner som kan vere vanskeleg å snakke om.

Mykje av mobbinga som skjer i skulegården i dagens samfunn kan vere forhindra gjennom å belyse dette temaet. Ved å motivera til å strekke ut ei hand istadenfor å trekke andre ned, skapast fellesskap og balanse. 

Etter endt framsyning er det satt av tid for ein åpen dialog der både lærarar og elevar kan snakke med utøvarane.

Konsept/idé/regi/kunstnarleg ansvarleg: Belinda Braza
Koreografi: Belinda Braza med skapande dansarar.

• Arrangert av: Vestland
• Kunstnere/grupper: Team Braza
• Idé/opplegg: Belinda Braza